08.02.2022 «Жидебай-Бөрілі» мемлекеттік тарихи мәдени және әдеби-мемориалдық музей қорығының көрмесі
2022 жылдың 8 ақпанында М.О.Әуезов атындағы педагогикалық колледжінің Ә.Марғұлан атындағы интернет залында М.Әуезовтің туғанына 125 жыл, «Абай жолы» романының 80 жылдығына, «Еңлік-Кебек» пьесасының сахналанғанына 105 жыл толуына арналған «Жидебай-Бөрлі» қорық-мұражайының ұйымдастыруымен көрме өтті. Көрме барысында Абайдың «Жидебай-Бөрілі» мемлекеттік тарихи мәдени және әдеби-мемориалдық музей қорығының Бөрілідегі М.Әуезов музейінің аға ғылыми қызметкері Тәңірберген Гүлзат Сәлемқызы білім алушыларды М.Әуезовтің өмірі мен шығармашылығымен таныстыра отырып, «Абай жолы» романы бойынша ақын А.Құнанбаевтың жарлары Ділдә мен Әйгерімнің «Аралтөбеде» өткен күндерінен естеліктер айтып берді. Сонымен қатар, М.Әуезовтің бастамасымен жарық көрген «Еңлік-Кебек» пьесасының сахналанғанына 105 жыл толуына орай жасалған арнайы баннермен таныстырып, оқиға желісі бойынша қызықты ақпараттар берді.
