13 мамыр күні республикалық білім беру ұйымдарының арасында бір мезгілде ұйымдастырылған «Жасыл мекен» челленджіне М.О.Әуезов атындағы педагогикалық колледжінің студенттері белсене қатысты. Білім алушылардың бойында экологиялық мәдениетті қалыптастыруға, табиғат пен қоршаған ортаны құрметтеуге, еңбекқорлыққа баулу мақсатында өткен шарада «Спорт және өнер» бөлімінің студенттері Алаштың тұңғыш білім ордасының 120 жылдығына арнап көшеттер отырылғызды. Әр топ өздері отырғызған көшеттеріне алдағы уақытта күтім жасап, қамқорлыққа алатындықтарын жеткізді. Шара барысында колледж студенттері көшеттерді егіп қана қоймай, колледж ауласындағы өсіп тұрған ағаштарға күтім жасап, түптерін қопсытты. Аулаға абаттандыру, көгалдандыру жұмыстарын жүргізді.
«Жасыл мекен» челленджі барысында студенттер бірлесе, ұйымшылдықпен жұмыс жасап, уақытта көңілді өткізді.
