16-17 қараша Абай облысы техникалық және кәсіптік білім беру ұйымдарының жас оқытушыларына арналған «Заманауи сабақ: формуляр, идеялар, ізденістер» тақырыбындағы облыстық әдістемелік- семинар <<М.О.Әуезов атындағы педагогикалық колледжі» КМҚК базасында ұйымдастырылып, өткізілді. Семинарға Абай облысы ТжКББ ұйымдарынан 94 жас мамандар тіркеліп, офлайн және онлайн форматта қатысып, өз біліктерін жетілдірді.
Әдістемелік семинардың мақсаты: ТжКББ жас педагогтарды қолдау, оқу үдерісін басқаруға деген қажеттіліктерін қанағаттандыру, кәсіби шеберлігін, дағдысын және теориялық дайындығын жетілдіру.
Міндеттері: Жас оқытушылардың кәсіби дамуы мен біліктілігінің өсуіне ықпал ету; кәсіби өзін-өзі жетілдіруге және дамытуға деген қажеттіліктерін қанағаттандыру.
Семинарды облыстық инновациялық-әдістемелік орталығының «Білім беру процесін әдістемелік сүйемелдеу» бөлімінің басшысы Бласпаев Сейілғазы Қайроллаевич ашып құттықтау сөз сөйледі. Жас оқытушылардың оқыту семинарына сәттілік тілеп, құттықтау сөзді ІІ дәрежелі «Барыс» орденінің иегері, ҚР білім беру ісінің құрметті қызметкері, Ы.Алтынсарин төсбелгісінің иегері, филология ғылымдарының кандидаты, колледж директоры Жанаева Шағангул Алдамжарқызы жалғастырды.
Әдістемелік семинар 5 түрлі әдістемелік алаңда «М.О.Әуезов атындағы педагогикалық колледждің» КМҚК шебер педагогтарының өз тәжірибелерін насихаттауымен өткізілді. Колледждің шебер, білікті ұстаздары: қазақ тілі пәнінің оқытушысы Қасымжанова Г.Қ. «Қазақ тілі мен әдебиеті сабағында функционалдық сауаттылықты қалыптастыру»; педагогика пәнінің оқытушысы Сарсекова Г.К. «Сабақ құрылымы, сабақты тиімді жоспарлау»; химия пәнінің оқытушысы Куспанова Л.У.- Лайфстайл: «Табыс баспалдағы»; информатика пәнінің оқытушылары Сентаева А.Б., Мавлитаева Г.А.- Networkin форматында: <<Оқытуда цифрлық технологияларды қолданудың тиімділігі»; ағылшын тілі пәнінінің оқытушысы Маметекова Г.С. «Оқытуда онлайн тақтамен жұмыс жасау ерекшеліктері» тақырыптарында сабақ берудің заманауи формаларын көрсетті.
Семинар қорытындысында «Zhas team» колледждердегі жас педаготар қауымдастығының төрайымы Абдыльдинова Айман Жумашевна сөз сөйлеп, қатысушылармен кері байланыс жүргізілді. Қатысушыларға сертификаттар табысталып, ұйымдастырушыларғал ағыс хат берілді.
Мағжан Жұмабаевтың «Мен жастарға сенемін!» өлеңі жас оқытушыларды рухтандырып, «Ұстазым» әні әр жас педагогтың өз мамандығына деген жауапкершілігі мен сезімін оятты.
