30.09.2019ж. 116 жылдық тарихы бар М.О. Әуезов атындағы педагогикалық колледжінің 1 курс студенттерін «Әуезовшілер қатарына қабылдау» кеші өтті. Кеш барысында ІV курс студенттері жас әуезовшілерді колледж тарихымен таныстырып, колледж бен жатаханадағы қызықты сәттеріне шолу жасап, мерекелік көңіл-күй сыйлады.
Жаңа оқу жылын жаңа қадаммен бастаған студенттер кеңесінің Президенті Жұмаханов Қазез, жатақхана кеңесінің төрайымы Узбекова Айымға куәлік тапсырылып, жас әуезовшілер колледж антын қабылдады.
Әуезов шығармашылығын насихаттау, жас ұрпақты рухани құндылықтармен сусындату мақсатында колледжімізде дәстүрлі түрде Әуезов сыны байқауы өткізіліп тұрады. Оқу топтарында іріктелініп, сайыс талаптары бойынша жоғары білім деңгейін көрсеткен студенттер байқаудың ІІІ кезеңі бойынша бақтарын сынайды. Сыннан сүрінбей өткен студент М.О.Әуезовтің бейнесі бар төсбелгіні иеленіп, арнайы стипендияға ие болады.
«Үздік Әуезовшы-2019» байқауының жеңімпазы, шет тілі мамандығының ІVстуденті І.Д.Сәулетбекованы ҚР білім беру ісінің құрметті қызметкері, Ы.Алтынсарин атындағы төсбелгінің иегері, ф.ғ.к., колледж директоры Ш.А.Жанаева марапаттады.
Жас Әуезовшілерге сәттілік тілеп, Елбасының жастар саясатын іске асыруға үлкен үлес қосады деп сенім білдіреміз!
