23-25 сәуірде Түркістан қаласында Қазақстан Республикасы Ақпарат және қоғамдық даму министрлігі, Түркістан облысы әкімдігі, Түркі Кеңесінің Түркі Университеттері Одағының Бас Ассамблеясының ұйымдастыруымен, Түркі кеңесі жас көшбасшыларының ІІ форумы өткізілді. Шығыс Қазақстан облысы делегациясы құрамында колледж директорының тәрбие ісі жөніндегі орынбасары Абылқасымова Гәкку Айжарыққызы болып, форумға қатысып қайтты. Форум барысында түркі әлемінде жастардың көшбасшылық орнын нығайту, түркі әлемі жастарының арасындағы қатынасты күшейтуге бағытталған ұсыныстары және жас көшбасшылармен жүзеге асырылатын жобалар талқыланды. Сонымен қатар, Қожа Ахмет Ясави Университетінің базасында Түркі әлемі жастарының Мәдениет және өнер фестивалі ұйымдастырылып, Түркістан өңірінің тарихи және әулие жерлеріне экскурсиялар өткізілді.
Форум аясында Түркістан облысы Жастар ресурстық орталығының ұйымдастыруымен өткізілген видеовайн сайысына қатысып, 2-орын Samsung S9 ұялы телефонын ұтып алған әріптесіміз Гәкку Айжарыққызын жеңісімен құттықтап, форум ұйымдастырушыларына алғыс білдіреміз!
