М.О.Әуезов атындағы педагогикалық колледжінде елге қызмет етудің озық үлгісін көрсеткен айтулы тұлғалардың мұрасын жастарға насихаттау, ұлы есімдерді ұлықтау мақсатында «Startup-2021: айтулы тұлғалар, атаулы күндер» жобасы бастау алды. Кешенді шара ШҚО білім басқармасымен және Семей қаласы әкімдігімен бірлесіп ұйымдастырылды. Шара қонақтары: М.Қозыбаев атындағы тарихи зерттеулер ғылыми орталығының жетекшісі, тарих ғылымдарының кандидаты, профессор М.Қ.Кәрімов, Семей қалалық мәдениет үйінің директоры, дәстүрлі әнші, ҚР мәдениет саласының үздігі Н.Қ.Иманбаев, Шәкәрім атындағы мемлекеттік университетінің оқытушысы, ф.ғ.к. А.Т.Смағұлова, «Көлік колледжі» КМҚК директоры А.С.Нұғымаров, ТЖКББ жүйесіндегі ДТІЖО әдістемелік бірлестігінің жетекшісі Л.Н.Иванова. Шара барысында түрлі алаңдарда барлығы 60 студен қамтылды.
Кешенді шараның аясында «Ыбырай-ұлы ұстаз» республикалық диалогтік алаң, Қажымұқан Мұңайтпасұлының 150 жылдық мерейтойына арналған гір тасын көтеруден қала колледждері арасында біріншілік, лекторлар сағаты, «Қайым Мұхамедханов – 105 жыл», «Әлімхан Ермеков – 130 жыл», «Әбікей Зейінұлы Сәтбаев – 140 жыл» атаулы кабинеттер жұмысын презентациялау, «Startup-2021: айтулы тұлғалар, атаулы күндер» тақтасының таныстырылымы, «Тәуелсіздікке тарту» атты әдеби-сазды қойылым ұйымдастырылды.
«Ыбырай-ұлы ұстаз» республикалық диалогтік алаңның қатысушылары – Қостанай облыстық Ыбырай Алтынсариннің мемориалдық мұражайының директоры М.Б.Оспанов, М.Мәметова атындағы Қызылорда педагогикалық жоғары колледжінің оқу-әдістемелік кабинет меңгерушісі Ж.Ғ.Асқарова, М.Мәметова атындағы Қызылорда педагогикалық жоғары колледжінің оқытушылары М.Ж.Алибаева, Ф.Ж.Алтаева, Ж.О.Оразымбетова, М.Б.Мендібаева, Б.Ахметов атындағы жоғары педагогикалық колледжінің оқытушысы А.Н.Канафина, Ақтөбе гуманитарлық колледжі директорының ғылыми-әдістемелік ісі жөніндегі орынбасары Б.М.Жамекова, Ақтөбе гуманитарлық колледжінің оқытушысы Н.Д.Амандыкова, Қостанай педагогикалық колледжінің оқытушысы Н.Н.Арыстан. Диалогтік алаң барысында Қостанай облыстық Ыбырай Алтынсариннің мемориалдық мұражайына виртуалды саяхат жасалып, Ұлы тұлғалар мұрасын насихаттаудағы өзекті мәселелер талқыланды.
Қажымұқан Мұңайтпасұлының 150 жылдық мерейтойына арналған гір тасын көтеруден қала колледждері арасында біріншілік өткізіліп, командалық нәтиже бойынша І орынды «Көлік колледжі» КМҚК, ІІ орынды «Геодезия және картография колледжі» КМҚК, ІІІ орынды «М.О.Әуезов атындағы педагогикалық колледжі» КМҚК иеленді.
«Тәуелсіздікке тарту» атты әдеби-сазды қойылым барысында Әлихан Бөкейхановтың 155 жылдығына арналған сахналық қойылым қойылып, Қасым Аманжоловтың 110 жылдығына, Мұқағали Мақатаевтың 90 жылдығына, Жамбыл Жабаевтың 175 жылдығына орай әндері айтылып, өлеңдері оқылды.
Жаңаша формат пен мазмұнға сай жоспарланып өткізілген шараның қатысушылар мен білім алушыларға берер тағылымы мол болды.
