09.04.2022ж. Семей қаласы М.О.Әуезов атындағы педагогикалық колледжі «Жаратылыстану» ПӘК оқытушыларының жетекшілігімен «Бердвотчер құстарды бақылаушылар» үйірмесінің мүшелері «Құстарға қамқоршы болайық» акциясын ұйымдастырды.
Көктем – жылдың ең тамаша, ең сұлу маусымы. Бүкіл әлем қысқы ұйқыдан оянып, бақшада құстар сайрап, жер беті жылынады. Құстар табиғаттың керемет тіршілік иелері. Аспан әлеміне көз сала отырып, көкте қалықтаған құстарды көргенде табиғат әлемінің тылсым сырларына көңіліміз толайып қалады. Көктемгі уақыт құстар әлемінің ең белсеңді кезеңі.
Іс-шараның мақсаты: құстар әлеміне танымдылық, зерттеушілік, шығармашылық белсеңділігін арттыру, қоршаған ортаға қамқор бола білуге тәрбиелеу, табиғатты аялауға үйрету, экологиялық білімдерін қалыптастыру.
Акция барысында үйірме мүшелері өз қолдарымен құстарға ұя жасап, оны колледж ауласындағы ағаштарға іліп, құстарға қамқорлықтарын танытты.
