2023 жылдың 3 мамыры күні М.О.Әуезов атындағы педагогикалық колледжінде 7 мамыр – Отан қорғаушылар күніне орай «Мен Қазақстан Республикасына қызмет етемін» тақырыбында АӘжТД пәнінің оқытушысы майор Қ.К.Екибасов пен тәрбие бөлімінің ұйымдастыруымен әскери сала мамандарымен кездесу өтті.
Жастарды Отансүйгіштікке тәрбиелеу мақсатында өткен шараға 36803 әскери бөлімінің капитаны С.Судиянов, 3 сыныпты сержант А.Смагулов және сержант Г.Максутова қатысты. Әскери мамандар қатысушыларға Қазақстан Республикаксы Қарулы күштері туралы жалпы мағлұмат беріп, оның қажеттілігі мен маңыздылығы туралы ой бөлісті. Әскери өмірлері туралы әңгімелей отырып, студенттерді қызықтырған сұрақтарға жауап берді.
Ел алдындағы борыштарын атқаруда жеткен жетістіктері туралы айта келе, студенттерді мерекемен құттықтап, кемел елдің келешегі үшін Отанымызды құрметтеуге, қастерлеуге шақырды.
