М.О.Әуезов атындағы педагогикалық колледжінде білім ордасының табалдырығын алғаш аттаған 1-курс студенттерін «Әуезовшілер» қатарына қабылдау рәсімі өтті. Қиялдарын қанаттарына байлап, армандарын арқалап келген жас өрендер бүгіннен бастап өмір кітабының «студенттік кезеңіне» жол тартты.Бақытты және еңбекқор студенттер-колледж гүлденуінің кепілі!
Мерекелік кешті «Шет тілі» бөлімінің 4 курс ,42,44,402 топ студенттері ұйымдастырды. Кеш барысында оқу орнының тарихы, дәстүрі,жетістіктері мен қатар студенттік өмір қызықтары, жатақхана өмірі,мамандығым-мақтанышым сияқты тақырыптар ‘modern’ форматында өткізілді. Қазіргі ‘hit’ әндер мен ’trend’ биде болды. Ұйымдастырушы 4 курс студенттері 1 курс студенттерінің заманға лайықты қызығушылықтарын ескере отырып барынша көңіл күй сыйлады.
Студенттер өз кезегінде елге, жерге, тілге деген құрметті биік ұстап, М.О.Әуезов атындағы педагогикалық колледж студенті деген атқа лайық болуға және бәсекеге қабілетті маман болып, еліміздің көркеюі үшін адал қызмет етуге ант берді. Оқу орны әнұраны шырқалды. Ел Тәуелсіздігінің 30 жылдығы қарсаңында үлкен өмірге қадам басқан «Әуезовшілерді» ҚР мәдениет қайраткерлері Медет Салықов пен оқу орны түлегі Клара Төленбаева құттықтады. Сонымен қатар ағылшын тілі мұғалімі, Филиппиндік Leonardo Lugue, бөлім меңгерушісі Арайлым Мейртайқызы жастарға қарата қай елдің болмасын болашағы мен игілігі тек білімді ұрпақтың қолында екенін айтып өтті.
Мерекелік кеш соңында студенттер ‘We love you’ әнін хормен шырқап, естелік суретке түсті.
PS: «Еркін елде өскен ұрпақтың рухы әрдайым биік болуы тиіс. Жастары – жалын жүректі, өршіл намысты, биік рухты болса – ол елдің еңсесі де биік болады» Н.Ә.Назарбаев
