15 ақпан – қазақтың әйгілі актері, режиссер Шәкен Кенжетайұлы Аймановтың туған күні. Қазақтың маңдайына біткен жарық жұлдызының Алаштың білім ордасында білім алғаны біз үшін үлкен мақтаныш.
Жылдағы дәстүр бойынша 14 ақпан күні кіші ғылыми зерттеу орталығының ұйымдастыруымен 2 курс топтарының арасында “Шәкен жұлдыздары” атты байқау өтті.
Байқау барысында әр топ өзіне берілген кино бойынша заманауи трейлер түсіріп, сол фильм туралы жүргізген зерттеу жұмыстарын әртүрлі формада ұсынды. Ең бастысы фильм бойынша үзінді көрсетіп, өздерінің актерлік шеберліктерін шыңдады. Тартысты байқауға колледж директоры Ш.А.Жанаева, “Дариға-ай” жастар театрының актері, “Ес-Аймақ” театрының жетекшісі И.Азизов, “Абай” театрының актрисасы С.С.Тулекова, “Музыка және өнер” ПӘК жетекшісі Р.Ш.Бузаубагаровалар төрелік етті.
Байқау қорытындысы бойынша МДТ 21-09-01 тобы, топ жетекшісі С.А.Мукышева, І орын алып, ауыспалы кубок иегері атанды. ІІ орынды ҚТ 21-09 тобы, кураторы Л.Нугумарова, ІІІ орынды Инф-Сжо 21-09 топтары, кураторы Э.Д.Битолеуова, иеленді.
ШТ 21-09-02 тобының студенті Сағидолла Али мен ҚББ тобының студенті Умербекова Каринның актерлік шеберліктері ерекше аталып өтіп, колледж директорының арнайы сыйлығын иеленді. Барлық қатысушыларға топтар Алғыс хаттармен марапатталды.
