АЛАШТЫҢ ТҰҢҒЫШ БІЛІМ ОРДАСЫНА – 120 ЖЫЛ”
Алаштың білім ордасында 23.11.2023 күні жазушы, Қазақстанның Еңбек сіңірген қайраткері, Ұлттық Құрылтай мүшесі, Халықаралық “Алаш” сыйлығының, “Парасат” орденінің иегері Сәуле Мағазбекқызы Досжанмен кездесу өтті.
Кездесу барысында Сәуле Мағазбекқызының халқымыздың басына қайғы салған Семей полигоны мен одан келген зардап пен зауал жайлы “Қасірет пен тағдыр” диалогиясы туралы сөз қозғалды.Қарымды қаламгер полигон зардабын тартқан қасіретті Ананың зарын, оған қарсы шыққан қайсар Ананың өр рухын бейнеленген романды жазуға не түрткі болғанын, жазылу тарихы мен мақсаты туралы әңгімеледі. Қазақ қыздарына инабаттылық, әдептілік қасиеттері тән екенін айта отырып, олардың бойында өжеттілік пен қайраттылық, керек кезінде өткірліктің де бар екені туралы айтып өтті.
Кездесуге қатысып отырған студенттер өздерін қызықтырған сұрақтарына толық, әрі тұшымды жауап алды.
Кездесуге “Қасірет пен Тағдыр” кітабын және де жазушының басқа да шығармаларын шетелге танытып жүрген аудармашылар мен әдебиет агенттері қатысты.1. Немец-Игнашева Диана Осиповна – филология ғылымдарының докторы, профессор;
2. Дотлибова Анна-аға оқытушы;
3. Оспанова Гүлмария Тұрысбековна-ҚазҰУ-нің аға оқытушысы;
4. Кабдулина Анар-ЮНЕСКО мәдениеттерді жақындастыру орталығының ғылыми қызметкері, әдеби агент.
Колледж студенттерінің жазушы шығармалары бойынша оқыған монологтары, 48-топтың орындауындағы “Заман-ай” әні тағылымы мол кештің нүктесін қойды.
Туған жеріміздің қасіретті тарихы жайлы көркем, әдеби тілмен жазылған әрі нақты деректерге құрылған романды автор колледж басшысы, ф.ғ.к. Шағангүл Алдамжарқызына және колледж кітапханасына табыстады.Сонымен қатар, қонақтарға “Шетел тілі” ПӘК оқытушылары білім ордасы бойынша экскурсия жүргізіп, колледж тарихымен таныстырды.
