М.О.Әуезовтің 125 жылдығы, Әзілхан Нұршайықовтың 100 жылдығы қарсаңында М.О. Әуезов атындағы педагогикалық колледжін тәмамдап отырған түлектерге арналған «Сәт сапар саған, жас түлек» атты салтанатты жиын бір апта бойы өз жалғасын табуда. Диплом алу шеруін «Еңбек» бағдарламасы және «Серпін-2050» әлеуметтік жобасы» аясында білім алған студенттер бастады. «Мектепке дейінгі тәрбие мен оқыту ұйымдарының тәрбиешісі», «Бастауыш білім беру мұғалімі», «Шетел тілі мұғалімі», «Қазақ тілі мен әдебиеті мұғалімі», «Орыс тілі мен әдебиеті мұғалімі» және «Дене тәрбиесі пәнінің мұғалімі» біліктіліктері бойынша түлектерге Дипломдар тапсырылды.
Сонымен қатар, студенттік жылдарын ерекше ізденіспен, жігерлі жасқа лайық ынта-жігермен өткеріп, колледждің қоғамдық өміріне белсене ат салысып, білімде жоғары нәтиже көрсеткен студенттерге арнайы Алғыс хаттар берілді.
Түлектерге ақ жол тілей отырып, білікті де білімді маман болатындықтарына сенім білдіреміз.
