“Сүйіспеншілік өзін-өзі танудың негізін жасаушы құндылық”-11.02.22 ж. М.О. Әуезов атындағы педагогикалық колледжінің ӨӨТ 21-09 тобымен өзін-өзі тану пәнінің оқытушысы Қайсанова Жадыра Қайсанқызының ұйымдастыруымен «Махаббат пен сүйіспеншілік» тақырыбында сюжеттік-рөлдік іс-шара ұйымдастырылды. Бұл шараны ұйымдастыру барысындағы негізгі мақсат білім алушылардың жан-жақтылығын, бойларына өмірге деген сүйіспеншіліктерін арттыра отырып, сонымен қатар махаббат, сүйіспеншілік, қамқорлық, мейірімділік қасиеттерін қалыптастыру.
Білім алушылар іс-шара барысында өздерінің белсенділіктері мен ұйымшылдықтарын топтық жұмыста таныта білді. Адам жанына қажетті құндылықтарды меңгере отырып, ұлтжандылық, риясыз сүйіспеншілік, мейірімділік, қамқор болу сонымен қатар өзін-өзі танудың қиянат жасамау, ақиқат, сүйіспеншілік, ішкі тыныштық пен дұрыс әрекет құндылықтарын шындай түсті.
