13.12.2019 ж. Семей қаласы М.О.Әуезов атындағы педагогикалық колледжінде Қазақстан Республикасының Тәуелсіздік күніне орай техникалық және кәсіптік білім беру жүйесі оқу орындарының студенттері арасында «Рухани жаңғыру – ұлттың ұлы мұраты» атты облыстық ғылыми жобалар байқауы өтті.
Байқаудың мақсаты: студенттердің ғылыми инновациялық ой толғауларын кеңейтіп, Рухани жаңғыру негізінде рухани-мəдени жəне білім беруді дамытудың сабақтастығы мен прогресшілдігін қамтамасыз ететін зияткерлік әлеует қалыптастыру.
Ғылыми жоба байқауының бағыттары:
– Рухани жаңғыру және өлкетану тағылымы;
– Діни сана және рухани жаңғыру идеясы;
– Жаһандану және ұлттық код;
– Ұлттық сана жаңғыру идеясы;
– Рухани жаңғыру: ұлттық білім беру жүйесі.
Ғылыми жобалар байқауы екі кезеңнен тұрды. Іріктеу кезеңінде 20 дан астам жұмыстардың ішінен байқау жұмыстары жоғары бағаланған 10 студент байқаудың екінші кезеңіне қатысуға жолдама алды. Байқаудың екінші кезеңінде әр қатысушы өз жұмыстарын 7-10 минут ішінде ауызша қорғады. Ғылыми жобаларды қорғау барысында техникалық құралдар мен көрнекіліктер тиімді қолданылды.
Жоба жұмыстарына Шәкәрім атындағы мемлекеттік университетінің профессоры, тарих ғылымдарының кандидаты Исин Амантай Исаұлы, Шығыс Қазақстан облыстық Абай атындағы әмбебап кітапханасының оқу залы бөлімінің маманы Игентаева Гульнар Айдынқалықызы, Семей қаласының облыстық тарихи-өлкетану музейінің “Семей аймағының тарихы” бөлімінің жоғары дәрежелі маманы Тортенова Гульнур Шалатайқызы, «Жас Отан» Жастар қанатының ШҚОФ Семей қалалық бөлімшесінің жетекшісі Айтмұқаш Алмас Виленұлы, Қоғамдық ғылымдар негіздері пәні оқытушыларының облыстық әдістемелік бірлестігінің төрағасы Сағымбеков Нұржан Әшімұлы төрелік жасады. Байқауға белсене қатысып, білімі мен зияткерлік қабілеттерін көрсетіп, ең көп ұпай жинаған қатысушылар дипломдармен марапатталды.
Байқаудың қорытындысы бойынша: «Халық әртістері ағайынды Абдуллиндер атындағы Шығыс Қазақстан өнер училищесі», Айдынұлы Шалғын (Ғылыми жетекшісі – Кунафина Қарлығаш Хасейінқызы) ГРАН-ПРИ; «Авиценна» жоғары медициалық колледжі, Бекбаева Алинура (Ғылыми жетекшісі – Акшалов Асет Габиденович) І орын; «Радиотехника және байланыс колледжі» КМҚК, Бөкен Қуаныш Дәуренұлы, Меделхан Ельдар Ермекұлы (Ғылыми жетекшісі – Нугманова Жулдыз Кудайбергеновна) ІІ орын; «Халық әртістері ағайынды Абдуллиндер атындағы Шығыс Қазақстан өнер училищесі», Шакерова Райхан Әлібекқызы (Ғылыми жетекшісі – Кунафина Қарлығаш Хасейінқызы) ІІІ орын иеленді.
Семей «Көлік колледжі», Мамутов Шакарим (Ғылыми жетекшісі – Иманғалиева Гаухар Сайлауовна) “Зерделі зерттеуші”; «Рымбек Байсейітов атындағы Семей қаржы-экономикалық колледжі» КМҚК, Асылбеков Ертилек, (Ғылыми жетекшісі – Искаков Артур Николаевич); “Жаңашыл идея”; Семей көпсалалы колледжі, Серікқазиева Назым Берікқызы, (Ғылыми жетекшісі – Максен Дастан Ержанұлы) “Парасатты пайым” номинацияларымен марапатталып, барлық қатысушылар мен ғылыми жетекшілеріне сертификаттар табысталды.
