2019-2020 оқу жылының наурыз айының 11-12 күндері аралығында М.О.Әуезов атындағы педагогикалық колледжінде 41, 42а, 401а, 46 және 402 бітіруші топтарында диплом алдындығы мемлекеттік іс-тәжірибе корытындысы бойынша ғылыми-тәжірибелік конференция өткізілді. Студенттер Шығыс Қазақстан облысының аудандық мектептерінде, Семей қаласының қалалық орта мектептері мен мектеп –гимназияларында және республикамыздың өзге облыстарынан тәжірибеден өтті.
Конференцияда әр топтан студенттер сөз сөйлеп, тәжірибеден өту процесімен таныстырып пікірлерімен бөлісті. Студенттер тәжірибе барысында қолданған материалдар мен көрнекіліктерін жинақтап, көрме ұйымдастырды.
Мемлекеттік дипломалды іс-тәжірибеден өту барысында берілген тапсырмаларға шығармашылық тұрғысынан қарай отырып, жоғары деңгейдегі білім көрсеткені және мектеп іс – шараларына белсене қатысқаны үшін машықкерлер мектеп директорларының алғыс хатымен марапатталды. Атап айтқанда: Ахметова Қымбат, Кикимова Әсем, Жакупбаева Дариға, Сарқытханова Ажар, Кеңес Еркежан, Маулетханова Шырай, Ердосов Айдос, Базарбекова Фариза, Олжабаева Шырын және т.б. Бокешова Алина «Үздік ұйымдастырушы машықкер», Алжанова Марал «Жоғары деңгейдегі білім көрсеткені», Сәулетбекова Іңкәр «Абай әлеміндегі ұлттық құндылықтар ұлт тірегі» атты аудандық іс шараға белсене қатысқаны үшін ауыл әкімшілігінің АЛҒЫС ХАТЫ, Шубарова Балжан «Абайдың 175 жылдық мерейтойына» арналған іс шараға белсене қатысқаны үшін ауыл әкімдігінің АЛҒЫС ХАТЫМЕН марапатталды. Бастауыш білім беру мамандығы бойынша іс- тәжірибеден өткен Муратова Әдемі, 2-сынып оқушыларын Ерматұлы Миратты, Төлеген Ақеркені, Масғұт Нұралиді, Жамбыл Айсултанды әр түрлі республикалық, қалалық сайыстарға қатыстырып жүлделі орындарға ие болған.
Тәжірибе барысында өзін білімді, білікті болашақ маман ретінде көрсете білуімен ерекшеленген машықкерлеріміз жұмыс берушілер тарапынан шақыртулар алып келді. Атап кетсек «Бастауыш білім беру» мамандығы бойынша Қожамсеитова Жұлдыз Жансүгіров атындағы орта мектебінен, Жолдина Гульфия мен Руденко Елена Семей қаласы №43 жалпы орта білім беретін мектебінен, шет тілі мамандығы бойынша Жұмақаева Роза Жамбыл ауданы Айдарлы орта мектебінен, Мансурова Мәлкен Семей қаласы №15 жалпы орта білім беретін мектебінен, Алжанова Марал Жансүгіров атындағы орта мектебінен, Кеңесова Еркежан Канонерка орта мектебінен және Айдынқалықызы Жандауа Талица жалпы негізгі білім беретін мектебінен.
«Адамның адамшылығы жақсы ұстаздан болады» – деген ұлт ұстазы Абай. Кәсіби біліктілікпен қатар, адами ізгі қасиеттеріңді дамытып, рухани жағынан барынша кемелденген тұлға болып, ел дегенде жанын берер нағыз көшбасшылар тәрбиеулеріңе тілектеспіз!
