23.11.2021 ж. күні М.О. Әуезов атындағы педагогикалық колледжі «Педагогика және психология» ПӘК онкүндік жоспарына сәйкес оқытушылар Кабимолдина А.К., Нұрғазы М.Т. ұйымдастыруымен Қазақтың аса көрнекті ағартушы-педагогы, жазушы, этнограф, фольклоршы, қоғам қайраткері Ыбырай Алтынсариннің 180 жылдық мерейтойына орай педагогика және психология пәндері бойынша студенттер арасында қашықтықтан қалалық олимпиада өтті.
Мақсаты: білім алушылардың пәнге деген танымдық белсенділіктері мен шығармашылықтарын арттыру.
Міндеттері:
– үшінші курс білім алушыларының «Педагогика және Психология» пәнінен білім, білік, дағдыларының деңгейлерін анықтау;
– олимпиадаға қатысушылар арасынан «Ең үздік студент» үлгі ету.
Олимпиадаға Семей қаласының Шәкәрім атындағы университеті КЕАҚ жоғары экономикалық колледжі мен Семей көпсалалы колледжінен 9 студент қатысты.
Олимпиада барысында қатысушылар «Педагогика» пәнінен «Педагогиканың жалпы негіздері» және «Психология» пәнінен «Жалпы психология негіздері» бөлімінен 15 сұрақтан құралған тест тапсырмаларын орындады.
Екінші айналымға өткен 6 студентке ұяшықтарда берілген бейне жағдаяттарды шешті.
Үшінші айналымда 4 студент қалды. Әр студентке сұрақтар тізбесі ұсынылады, 1 минут ішінде қанша сұраққа жауап береді, сонша ұпай саны есептелінді.
Олимпиада қорытындысы келесідей:
1-орын – Асқарқызы Айтолқын. Семей қаласының Шәкәрім атындағы университеті КЕАҚ жоғары экономикалық колледжі. Ғылыми жетекшісі – Смагулова Г.А., Демесинова А.Р.
2-орын – Кабдуалиева Гаухар. Семей көпсалалы колледжі. Ғылыми жетекшісі – Сейтбаева А.К. Садуакасова А.Т.
3-орын – Еркынова Ботакөз, Берыкова Назерке. Шәкәрім жоғары колледжі. Смагулова Г.А., Демесинова А.Р.
Олимпиада жүлдегерлері І, ІІ, ІІІ дәрежелі Дипломмен марапатталады.
Жеңімпаздарды құттықтай отырып, жаңа жетістіктер тәлейміз.
Әділқазылар алқасында жұмыс жасаған білімді де білікті оқытушылар – Алканова З.С., Маметекова А.С., Нұрмұхаметова Қ. М. алғысымызды білдіреміз!
