17 ақпан күні М.О.Әуезов атындағы педагогикалық колледжінде 1 курс студенттері арасында көрсетілім ойнын өткізді. Шара барысында «Оратор» дебат клубының жетекшісі Н.А.Сагимбеков жалпы клуб қызметі, мақсат-міндеттері және І жартыжылдық бойынша жеткен жетістіктер көрмесімен таныстырып өтті. “Оратор” клубы туралы видеоролик көрсетіп, тарихына шолу жасады.
Клуб координаторы Дүйсенғазина Аяулым клубтың жас мүшелерінің қатысуымен өтетін ойын ережесімен таныстырды. «БП:Рухани жаңғырудың ең үздік бағытын ұсынады» тақырыбында өткен шараға қатысқан жас ойыншылар шешендік шеберліктерін, көшбасшылық қасиеттері мен тапқырлықтарын көрсете білді. Спикерлер: Үкімет: «Мұхтар маржандары» командасы Тұрсынова Данагүл (ШТБ 21-09 топ) және Досахметова Жасмин (БББ 21-09-01топ), Оппозиция: «Болашақ» командасы Төлембесов Бекзат (ДТ 21-09-01 топ) және Айтжанова Нуржамал (БББ 21-09 топ). Соңынан көрермендер, жас ойыншылардың пікіріне баға беріп, өз ойларын ортаға салды.
