2022 жылдың 16-17 сәуір күндері Семей қаласы М.О.Әуезов атындағы педагогикалық колледжінің «Оратор» интеллектуалды пікірсайыс клубының ұйымдастырумен М.О.Әуезовтің 125 жылдығына және «Оратор» пікірсайыс клубының 19 жылдығына орай «ORATOR CUP: COMEBACK» атты республикалық пікірсайыс турнирі өтті. Турнирге Нұр-Сұлтан, Семей, Өскемен, Павлодар, Қарағанды, Орал, Қостанай, Балқаш, Алматы қалаларынан келген 64 спикерден тұратын 32 фракция қатысып, бақтарын сынады. Ойын БПФ және ЛД форматымен өткізілді. Турнирдің 1 күні 2 раунд ашық және 2 раунд жабық төрешілікпен өтті. Іріктеу кезеңінің нәтижелері жарияланып, соңынан футзалдан пікірсайысшылардың жолдастық кездесулері ұйымдастырылды.
17 сәуір күні іріктеу кезеңіне дейінгі ойындарда ең көп ұпай жинаған спикерлер арасында ЛД форматы (¼, ½ финал) мен БПФ форматы бойынша ойындар өткізілді. Ойын аяқталған соң төрешілер өздерінің шешімдерін шығарды.
Турнирдің қорытындысы:
БПФ форматы бойынша финал
1.«Массондар» Қуаныш Молдақашев, Мирам Тұрысбеков (Семей) – I орын;
2.«Сырға салу» Шөлібай ӘлиАсқар, Қарлығаш Кокамбекова (Нұр-Сұлтан) – финалист;
3.«Куә бол» Рустемұлы Мират, Орманбеков Қуаныш (Семей) – финалист;
4.«Ораза қабыл болсын» Райымбек Өмірбаев, Қадырханова Айгерім (Семей/Өскемен) –финалист.
ЖАСТАР ФИНАЛЫ
1.«A&R» – Сағындықов Райымбек, Қамбаров Арнұр (Семей) -1 орын;
2.«Expecto Patronum» Муканова Аяулым, Абдіхадир Гулзат (Павлодар) – финалист;
3.«Slytherin» Түйкенова Асылай, Құмарова Ақмарал (Семей) – финалист;
4.«SAFRA» Султан Ажар, Альжанова Алтынай (Нұр-Сұлтан/Қарағанды) финалист.
Турнирде Қуаныш Молдақашев (Семей) «Үздік спикер» атанса, Құсман Айдана (Семей) «Үздік төреші» деп танылды.
Турнир қорытындысы бойынша жеңімпаздар мен жүлдегерлер ақшалай сыйлықтармен марапатталып, дипломдар мен кубоктар табысталды. «Еркін микрофон» айдарында қатысқан пікірсайысшылар турнирді жоғары деңгейде және қызықты ұйымдастырғаны үшін ораторлықтарға алғыстарын білдіріп, жақсы әсерлерімен бөлісті.
