Наурыз – қазақ халқында ерекше мерекеленіп келе жатқан басты мереке. Бұл тек көктемгі күннің теңелуі ғана емес, табиғаттың оянуы, жаңаруымен де байланысты.
Бүгін М.О.Әуезов атындағы педагогикалық колледжінде жылдағы дәстүр бойынша Наурыз мерекесі тойланды. Колледж алаңын киіз үй, үлкен ақ дастархан, дәстүрлі Наурыз көже және ұлттық қолөнермен толтырған іс-шараның ерекше атмосферасы болды. Ұлттық киіммен келген оқытушылар құрамы, қызметкерлер, студенттер мен қонақтар мерекеге ажарын ерекше айқындай түсті.
М.О.Әуезовтің 125 жылдығына орай өткізіліп отырылған шара барасында ұлттық салт-дәстүрлер көрсетіліп, ән мен күйден шашау шашылды. Мың бұралған бишілер мерекенің сәнін келтірді. Мерекелік іс-шара Қыдыр атаның батасы, шын жүрекпен айтылға тілектер мен шашу шашумен басталды. 1 курс студенттерінен құралған 300 адамдық хор «Әуезовшілер гимінін» орындады.
Сахнаның жанында ұлттық спорт түрлерінен жарыстар өткізіліп, жеңімпаздар марапатталды. Мерекелік іс-шара өнерлі студенттердің концертімен аяқталып, шара қонақтары мерекелік дастарханнан дәм татуға шақырылды.
Кешкісін Колледж кәсіподақ ұйымы жатақханада Ораза ұстайтын студенттерге арнап дастархан жайды.
