23.04.2021ж. күні М.О.Әуезов атындағы педагогикалық колледжі мен Нұр-сұлтан қаласы Астана Халықаралық университетінің Педагогикалық колледжі арасында екіжақты кездесу өтті. Кездесу барысында білім беру саласындағы өзара тиімді ынтымақтастықты дамыту, байланыс орнату және нығайту мақсатында Меморандум жасалып, қол қойылды.
Ынтымақтастықтың негізгі бағыттары:
- Инновациялық технологияларды пайдалануда тәжірибе алмасу.
- Оқытушылардың ғылыми-әдістемелік біліктілігі мен кәсіби шеберлігін арттырудағы ынтымақтастық.
- Бірлескен ғылыми-практикалық конференциялар, семинарлар, конкурстар, олимпиадалар өткізу, интернет-консультациялар.
- Кәсіби шеберлікті дамыту және білімді, тәжірибені жетілдіру мақсатында студенттермен алмасу, т.б.
Кездесу соңында оқу орындарының басшылары меморандум аясында жемісті әріптестік орнатуға мүдделі екендіктерін жеткізді.
