АЛАШТЫҢ ТҰҢҒЫШ БІЛІМ ОРДАСЫНА – 120 ЖЫЛ.
19 ақпан күні Алаштың тұңғыш білім ордасы – Семей мұғалімдер семинариясы негізінде ашылған қазақ педагогикалық техникумының түлегі, қазақ азаматтарының ішінен тағайындалған тұңғыш Ішкі істер министрі, ұлт кадрларының арасынан шыққан алғашқы генерал-лейтенант, мемлекет және қоғам қайраткері Шырақбек Қабылбаевқа арналған «Министр Қабылбаев» атты кітаптің таныстырылымы өтті.Кездесу қонақтары, «Министр Қабылбаев» кітабінің авторлары, з.ғ.к., профессор, запастағы полиция генерал-майоры, ҚР ІІМ құрметті қызметкері Мирлан Қызылов пен журналист, жазушы, Халықаралық “Алаш” сыйлығының иегері Дәулет Сейсенұлы генерал Ш.Қабылбаевтың өнегелі өмірінен естеліктер айтып, кітап жазу барысында кездескен қиындықтар туралы ой шертісті. 
Кездесу модераторы Шағангүл Алдамжарқызы қойған сұрақтарға жауап бере отырып, естеліктерімен бөлісті.
Колледж студенттері Ш.Қабылбаевтың оқуға келген сәтінен қойылым қойып, еңбек жолы туралы құнды ақпараттармен таныстырды.Ақын, филология ғылымдарының докторы, профессор Бауыржан Жақыптың “Шырақбектің шырағы” және
Қазақстанның еңбек сіңірген қайраткері, ІІО мен ҰҰ еңбек сіңірген қызметкері және «Кұрметті» ардагері, отставкадағы полиция полковнигі, ақын-сазгер Сланқожа Карақыстықтың арнауларын жатқа оқыды.
М.О.Әуезов атындағы педагогикалық колледжінің ұйымдастыруымен өткен кездесуге Абай облысы Ардагерлер кеңесінің төрағасы Мұрат Әлин Ағамыз бастатқан ел үлкендері, колледж оқытушылары мен студенттері, ІІБ қызметкерлері қатысты.
Кездесу соңында Алаштың тұңғыш білім ордасының директоры, филология ғылымдарының кандидаты, Ыбырай Алтынсарин төсбелгісінің иегері, «Қазақстан Республикасы білім беру ісінің құрметті қызметкері», II дәрежелі Барыс орденінің кавалері Жанаева Шағангүл Алдамжарқызы оқу орнының тарихына деген зор құрметі мен колледж мәртебесін арттырудағы айрықшаеңбегі үшін Мирлан Ахмедияұлын
«М.О.Әуезов» төсбелгісімен марапаттап, кеш қонақтарының иығына шапан жапты.
Өз кезегінде Мирлан Ахмедияұлы тағылымды кездесу үшін алғысын білдіре отырып, Шағангүл Алдамжарқызына “Шырақбек Қабылбаев” атындағы алтын медаль табыстады.
Алаштың тұңғыш білім ордасының түлегіне арналған “Министр Қабылбаев” кітабы алдағы уақытта өз оқырмандарын табатыны сөзсіз.
. 
