АЛАШТЫҢ ТҰҢҒЫШ БІЛІМ ОРДАСЫНА -120 ЖЫЛ
Қазақстан халықтарының мәдени мұрасын сақтау, дарынды студенттерді тану мақсатында ұйымдастырылатын дәстүрлі “Менің елім – Қазақстан” байқау биыл Алаштың тұңғыш білім ордасының 120 жылдығына арналды.
Колледж басшысы, ф.ғ.к. Жанаева Шағангүл Алдамжарқызының авторлық жобасы «Менің елім-Қазақстан» өнер байқауы «Ұлағат» ұлттық тәрбие жүйесінің негізінде 30 жылдан астам уақыт дәстүрлі түрде ұйымдастырылып келеді.Қараша айының 28 мен 30 аралығында ұйымдастырылған өнер байқауына 1 курс студенттері қатысып, шығармашылық байқауда өз дарыны мен қабілеті арқылы сынға түсті.
Бүгін, 14 желтоқсан күні «Менің елім-Қазақстан» дәстүрлі өнер байқауының қорытынды гала концерті Абай атындағы музыкалы драма театрында өтті.
Гала концертте байқау барысында ерекшеленген топтар мен жеке орындаушылар өнер көрсетті.
Байқау қорытындысы бойыншаШТ 23-09-01 тобы 1 орын, ШТ 23-09-03 тобы 2 орын, БББ 23-09-01 тобы мен МНО 23-09 тобы 3 орынды иеленді. Жеңімпаз топтар арнайы Дипломдармен, қаржылай сыйлықтармен марапатталды. Сонымен қатар, ерекше өнер көрсеткен студенттер Алғыс хаттармен марапатталды.
