АЛАШТЫҢ ТҰҢҒЫШ БІЛІМ ОРДАСЫНА – 120 ЖЫЛ
«МЕКТЕПКЕ ДЕЙІНГІ ТӘРБИЕ» ҚҰЗІРЕТТІЛІГІ БОЙЫНША КОЛЛЕДЖІШІЛІК «WORLDSKILLS» КӘСІБИ ШЕБЕРЛІК ЧЕМПИОНАТЫ
26.12.2023 ж. күні М.О. Әуезов атындағы педагогикалық колледжінде «Мектепке дейінгі тәрбие» құзіреттілігі бойынша колледжішілік «Worldskills» кәсіби шеберлік чемпионаты өтті.
Worldskills – жұмыс кәсібі мен шеберлік дағдысының беделін арттыруды көздейтін халықаралық қаржылық емес қозғалыс. Чемпионаттың басты мақсаты – Қазақстанның кәсіби білім беру жүйесіне әлемнің үздік тәжірибесін енгізу әрі техникалық және кәсіптік білім беру жүйесін жетілдіру.
Чемпионат барысында 5 қатысушы 4 модуль бойынша кәсіби шеберліктерін ортаға салып, бақтарын сынады:
1-модуль. Мектеп жасына дейінгі балаларды оқыту және тәрбиелеу
2-модуль. Ата-аналармен (заңды өкілдермен) және білім беру ұйымының қызметкерлерімен өзара әрекеттесу
3-модуль. Мектеп жасына дейінгі балалардың әртүрлі іс-әрекеттері мен қарым-қатынасын ұйымдастыру
4-модуль. Мектеп жасына дейінгі балалардың танымдық-зияткерлік дағдыларын қалыптастыру.
Кәсіби шеберлік байқауының қорытындысы келесідей болды:
1-орын – Асқарбекова Мақпал, МДТ21-09-01 тобы
1-орын – Еркімбекова Зейнеп, МДТ21-09-02 тобы
2-орын – Ерболатова Руфия, МДТ21-09-01 тобы
3-орын – Смағұлова Еркежан, МДТ21-09-02 тобы
3-орын – Рымбекова Дильназ, МДТ21-09-02 тобы
Асқарбекова Мақпал мен Еркімбекова Зейнеп облыстық “WorldskillsAbay – 2024” чемпионатына қатысатын болады. Жеңімпаздарымызға облыстық чемпионатта сәттілік тілейміз!
“Worldskills” чемпионаты білікті кадрларды даярлауға жаңа идеялар мен трендтер жасауға, кәсіби шеберлік дағдыларын жетілдіруге ықпал етеді.
Қатысушыларды жоғары деңгейде дайындаған сарапшыларымыз
С.А. Мукышева, А.С. Маметекова,
А.К. Турсынова, А.Н. Байзакова,
А.Б. Задабековаларға көп рахмет!
Чемпионатты жоғары деңгейде ұйымдастырып, бағыт бағдар берген директордың іс тәжірибе жөніндегі орынбасары Искакова Кулаш Аскаровнаға алғысымызды білдіреміз.
Колледж директоры Жанаева Шағангүл Алдамжаровна білімалушылардың кәсіби шыңдалуына үнемі қолдау көрсетіп келеді. Айта кетсек, Шағангүл Алдамжаровнаның басшылығымен «Мектепке дейінгі тәрбие» құзіреттілік орталығы заманауи құралдарымен жабдықталып, “Мектепке дейінгі тәрбие” құзіреттілігі бойынша облысымыздың ресурстық орталығына айналып отыр. Іскер, жанашыр басшымыз Шағангүл Алдамжаровнаға мың алғыс!
