28.09.2019ж. М.О.Әуезов атындағы педагогикалық колледжінің төл мерекесі. Оқу орнының түлегі, Қазақстан ғылым академиясының академигі, қоғам қайраткері ғұлама ғалым, жазушы М.О.Әуезовтің туған күні. Қазақ халқының ғасыр перзентінің туған күніне орай колледімізде, жас ұрпақтың бойында жазушы шығармашылығын рухани жаңғырту мақсатында, дәстүрлі лездеме өткізілді. Лездемеде жас әуезовшілер дүние жүзіне аты мәшһүр ұлы ойшыл-жазушысының өмір жолы мен шығармашылығына тоқталды.
Колледжі студенті жас ақын Ақжол Түменбайдың М.О.Әуезовтың туған күніне арнауы.
Мұхтар Әуезовты аңсау…
Тарлан тағдырлы даламның.
Арлан азулы бабамның.
Етегі қысқа заманның.
Белінен түскен ұлымын
“Көксерек” болып ұлыдым.
Көкбөрі болып жаралдым.
Көкірегім жарық күн ,айдан.
Арылмай абыз сыңайдан.
Түңілмей қазақ шырайдан.
Алаштың жолы өз жолым.
Абайдың жолы өз жолым.
Адастырмайтын Құдайдан.
Жұлмалап жұмыр жүрегін.
Топырақ құшып түледім.
Өлмес жерімді білемін.
Ұлық басыңды құшақтап.
Құлпытасыңды құшақтап.
Қазаққа қайыр тіледім.
Наданның кімге обалы..?
Адамның кімге обалы….?
Бағынан батпан соры әлі.
Топырағында қазақтың
Атырабында қазақтың.
Әуезов өлген жоқ әлі..
Абайсыз жаздық,жаңылдық.
Жатырымыздан қағындық.
Тұл тірліктегі тағым құт.
Ұлы ғұмырға бас иіп.
Ұлылығыңа бас иіп.
Әуезов сені сағындық…
Ақжол Түменбай
