0105000 «Бастауыш білім беру» мамандығының 31 топ машықкері: Жақсыбаева Аружан Жасұланқызы “ТжКББ жүйесінің 80 жылдығы” мен “Ұстаздар күні” мерекесіне арнап № 32 мектептің 4 сынып оқушыларымен жаратылыстану пәнінен «Өсімдіктерді қалай қорғаймыз?» тақырыбында Zoom бағдарламасымен онлайн сабақ өткіздім. Сол сабақтың бір бөлігін ұсынып отырмын.
Сабақ – оқушылардың тілдік қорларын молайту, үш тілді жетік меңгеру, сын тұрғысынан ойлау, білімді шығармашылық түрде қолдана білу дағдыларын дамытып, табиғат байлықтарын қорғау, сақтау, айналадағы ортаға қамқорлықпен, сүйіспеншілікпен қарау құндылықтарын қалыптастыру мақсатында құрылды.
Сабақ өткізуге өз кеңестерін беріп, бағыт-бағдар беріп отыратын мектеп мұғалімі –Жұманбаева Назым Смагуловна мен колледждегі әдіскерім, «Үздік педагог-2019» Республикалық байқауының жеңімпазы Қалкенова Бейбитгул Женисбековнаға үлкен алғысымды білдіремін.
Ұстаздар қауымын кәсіби мерекелеріңізбен құттықтаймын! Шәкірттеріңіздің алғысына бөленіп, мерейлеріңіз арта берсін! Жұмыстарыңызға шығармашылық табыстар тілеймін!