Қазақстан Республикасының Президенті Қ.К.Тоқаевтың «Тәуелсіздік – бәрінен қымбат» мақаласында айтылған Наурыз мейрамын атап өту тұжырымдамасын әзірлеу және көктем мерекесінің мазмұнын байыту туралы тапсырмасына сәйкес дайындалған жаңа тұжырымдамасының бағыттары бойынша оқу орнында бірнеше іс-шаралар өткізілді. «Наурыз мейрамы – жергілікті қоғамдастықтың, тату көршілердің мерекесі» бағыты бойынша оқу орнының жатақханасында ұлттық спорт асық, тоғызқұмалақ және т.б. ойындары ұйымдастырылып, ата-аналармен бірлесіп ұлттық тағамдар дайындау жолдары жайлы бейнероликтер түсіріліп, жарияланды. Студенттер арасында «Asyk party», «Dombra party», «Bauyrsak party» ұйымдастырылып, әлеуметтік желілерде алғыс-тілектер айтылды. Колледжінің жатақханасында Ұлыстың ұлы күніне орай, халқымыздың ұлттық салт-дәстүрлерін, әдет-ғұрыптарын насихаттау мақсатында “Армысың, әз Наурыз!” атты мерекелік кеш өткізілді. Барлық іс-шаралар короновирустық инфекцияның эпидемиологиялық мәселелерін ескеріп және шектеу шараларын сақтай отырып ұйымдастырылды.
Мереке қарсаңында Семей қаласының №12 кітапхана бөлімшесі ұйымдастырған «Зияткерлік күніне» орай Instagram әлеуметтік желісін қолданушылары арасында өткен «Алпамыс батыр», «Қобыланды батыр» эпостарынан үзінді жатқа оқудан интернет байқауына қатысқан студенттер мен республикалық “Өнерлі елдің өресі биік” байқауына қатысқан ата-аналарымыз жүлделі орындарды иеленді.
