28 қыркүйек М.О.Әуезов атындағы педагогикалық колледжінде жыл сайын дәстүрлі түрде өтетін оқу орнымыздың түлегі, заманымыздың заңғар жазушысы М.Әуезовтың туған күніне орай салтанатты лездеме болып өтті.
Лездемеге әр жылы “Үздік Әуезовші” атанған колледж түлектері қатысты. Бұл өз кезегінде жас Әуезовшілерді шабыттандырып, алға қарай ұмтылуларына көмектеседі.
Шара барысында 2022-2023 оқу жылының «Үздік Әуезовшісі» 4 курс студенті А.Базарова арнайы төсбелгімен марапатталды.
Колледж түлектері, “Үздік Әуезовшілер” атынан А.Айтмұқаш колледж ұжымы мен студенттерді атаулы мерейтоймен құттықтап, І.Сәулетбек, Ж.Қожағұловалармен бірге 1 курс студенттеріне М.Әуезовтің «Қорғансыздың күні» кітабын тапсырды.
Лездеме барысында «Абай жолы» романынан үзінді және композициялық би көрсетіліп, колледж студенттері «Әуезовшілер әнұранын» шырқады.
