2021 жылдың 13 желтоқсан күні Семей қаласы М.О.Әуезов атындағы педагогикалық колледжінде Алаш көсемі, Мемлекет және қоғам қайраткері Әлихан Бөкейханның 155 жылдығы мен Қазақстан Республикасы Тәуелсіздігінің 30 жылдығына орай техникалық және кәсіптік білім беру жүйесі оқу орындарының студенттері арасында қашықтан «Ұлттық сананы жаңғырту- ұлттың ұлы мұраты» атты облыстық ғылыми жобалар байқауы өтті. Байқауға 30 ға жуық жұмыстар келіп түсті. Іріктеу кезеңінде жұмыстары жоғары бағаланған 13 студент байқаудың екінші кезеңіне өтіп, ZOOM платформасында жобаларын қорғады.
Жоба жұмыстарына Семей қаласы Шәкәрім атындағы мемлекеттік университетінің т.ғ.к, қауымдастырылған профессоры м.а (доцент) Мукатаева Зауре Кадырбаевна, Семей қаласының облыстық тарихи-өлкетану музейінің “Семей аймағының тарихы” бөлімінің жоғары дәрежелі маманы Тортенова Гульнур Шалатайқызы, Қоғамдық ғылымдар негіздері пәні оқытушыларының облыстық әдістемелік бірлестігінің төрағасы Сағымбеков Нұржан Әшімұлы, М.О. Әуезов атындағы педагогикалық колледжі директордың ғылыми-әдістемелік істері жөніндегі орынбасары Боленбаева Алия Каримовна, Әлеуметтік-экономикалық пәндік әдістемелік комиссия төрағасы Мұқанов Төлеуғазы Камалұлы төрелік жасады. Байқауға белсене қатысып, білімі мен зияткерлік қабілеттерін көрсетіп, ең көп ұпай жинаған қатысушылар дипломдармен марапатталды.
Байқаудың қорытындысы бойынша: «Геологиялық барлау колледжі» КМҚК, Мейрамбеков Досымжан Сарсенұлы (Ғылыми жетекшісі -Омарбекова Жадыра Социаловна) І орын; «Бизнес және сервис колледжі» КМҚК, Баяхметова Альбина Айқынқызы (Ғылыми жетекшілері – Какимова Динара Болатбековна, Разбекова Жулдыз Женисовна) ІІ орын; «Қазақстан Тұтынушылар одағы Агробизнес және экономика колледж» мекемесі, Манарқызы Жансая, (Ғылыми жетекшісі – Өмірханова Арайлым Өмірханқызы) ІІІ орын; «Көлік колледжі» КМҚК, Серіков Ерасыл Азаматұлы (Ғылыми жетекшісі – Ораз Айдын Әмірбекұлы) ІІІ орын иеленді.
«Радиотехника және байланыс колледжі» КМҚК, Асхарбеков Жалғас Кенжебекұлы (Ғылыми жетекшісі – Сулейменова Жаннат Мендыгалиевна) «Парасатты пайым»; «Қазтұтынуодағы агробизнес және экономика колледж» мекемесі, Райзабекова Айсулу Жақыпқызы (Ғылыми жетекшісі – Құрманғали Ләйлім Саматқызы) «Жаңашыл идея»; «Мұқан Төлебаев атындағы музыка училищесі» КМҚК, Тургамбаев Алтынбек (Ғылыми жетекшісі – Оразгалиева Меруерт Дарубаевна) «Зерделі зерттеуші» номинацияларымен марапатталып, барлық қатысушылар мен ғылыми жетекшілеріне сертификаттар табысталды.
