2021 жылдың 14 желтоқсан күні Төлеуғазы Камалұлы Мұқановтың ұйымдастыруымен мемлекет және қоғам қайраткері, этнограф, тарихшы Өзбекәлі Жәнібековтың туғанына 90 жыл толуына орай «Ұлт руханиятының жанашыры» тақырыбанда дөңгелек үстел өткізілді.
Мақсаты: Мемлекет және қоғам қайраткері, этнограф, тарихшы Өзбекәлі Жәнібековтың өнегелі өмірін, қайраткерлік тұлғасын, қазақ руханияты мен мәдениетін дамытуға қосқан еңбегін талдау, насихаттау арқылы жастардың бойындағы отаншылдық, іскерлік, ізденімпаздық, шешендік қабілеттерді дамыту.
Дөңгелек үстелге бірінші курстың МДТ-21-09-01, БББ-21-09-01, АУД-21-09 тобы мен «Оратор» пікірсайыс клубының мүшелері қатынасты.
Дөңгелек үстел төрт кезеңнен тұрды:
Бірінші кезең – «Өмірі өнеге-ғұмыры ғибрат».
Бұл кезеңде Өзбекәлі Жәнібековтің өмір жолы мен қайраткерлік болмысы, қазақ руханияты мен мәдениетін дамытудағы еңбегі баяндалды, сарапталды.
Екінші кезең – «Өзбекәлі Жәнібеков – кемел тұлға».
Бұл кезеңде ұлтымыздың көрнекті қайраткерлерінің Өзбекәлі Жәнібеков туралы айтқан ой-пікірлері талданды, бағаланды.
Үшінші кезең – «Ұлт жанашырына арнау».
Бұл кезеңде дөңгелек үстелге қатысушылар Өзбекәлі Жәнібековке арнаған шығармашылық жұмыстарын ұсынып, шығармашылық-ізденімпаздық қабілеттерін көрсетті.
Төртінші кезең – «Тарихыңды таны, тұлғаны құрметте».
Бұл кезеңде Өзбекәлі Жәнібековтің өмірі мен қоғамдық-саяси қызметі, руханият саласындағы ғылыми-зерттеушілік еңбектері туралы сұрақтарға жауап берілді, білімдері сараланды.
Дөңгелек үстелге қатысушылар қорытынды кезеңде ұлт қайраткері Өзбекәлі Жәнібековтің қазақ руханиятын жаңғырту арқылы ұлттың рухын оятуға болатындығын терең түсінгенін, ұлттық мәдени мұраларды зерттеуге, насихаттауға ерекше назар аударғанын, ұлтқа қызмет етудің тамаша үлгісін көрсете білгенін атап өтті.
Іс-шараға белсене қатынасып, білімдері мен ізденушілік-шығармашылық қабілеттерін көрсеткен БББ-21-09-01 тобының студенттері бірінші дәрежелі дипломмен, іс-шараға белсене қатынасқан Алтынай Қадылбекова, Жаннұр Сарқытбек, Жұлдыз Ардаққызы алғыс хаттармен марапатталды.
