19 сәуір күні М.О.Әуезов атындағы педагогикалық колледжінде «Аманат» партиясының ұйымдастыруымен Шәкәрім Құдайбердіұлының туғанына 165 жыл толуына орай “Ұлт ақыны – Шәкәрім” атты қоғамдық дәріс өтті.
Дәрісті Шәкәрім университетінің «Абай және ұлттық руханият» Ғылыми зерттеу орталығының жетекші ғылыми қызметкері, филология ғылымдарының кандидаты Смағұлова Ақмарал Төлеуғазықызы жүргізді.«Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығы» қызметкерлері «Шәкәрім әлемі» атты көрмесін ұсынды.
Шара барысында колледждің «Сөз құдіреті» үйірмесінің мүшелері Шәкәрім өлеңдерінен әдеби-монтаж оқып, «Музыкалық білім беру» мамандығының студенттері «Анадан алғаш туғанда» әнін орындады.
Шараға Шәкәрім атындағы университет, М.О.Әуезов атындағы педагогикалық колледжі және Семей мемлекеттік Д.Қалматаев атындағы медицикалық колледжінің оқытушылары мен студенттері қатысты.
