КОЛЛЕДЖІШІЛІК ЖАС АҚЫНДАР МҮШАЙРАСЫ.

11.09.2019 ж Семей қаласы М.О.Әуезов атындағы педагогикалық колледжі «Қаламгер» жас ақындар үйірмесінің ұйымдастыруымен «5 қыркүйек-Қазақстан халқы тілдері күні» мерекесі және Ахмет Байтұрсынұлының туған күніне орай орай «Ана тілің арың бұл» атты колледжішілік жас ақындар мүшайрасы өтті. Мүшайраға бірінші курс студенттері мен үйірме мүшелері қатысты. Жас ақындар мүшайраның бірінші бөлімінде туған тілін жырға тиек етсе, екінші бөлімінде еркін тақырыпта өлеңдер оқыды. Мемлекеттік «Дарын» жастар сыйлығының иегері Мерей Қарт, «Жас Отан» жастар қанатының Семей қалалық бөлімшесінің жетекшісі Алмас Айтмұқаш, «Ес-Аймақ» жастар театрының жетекшісі Қ.С.Сырымқызы жас ақындар өлеңдеріне төрелік жасап, бағаларын берді.
Биылғы оқу жылында колледжімізге «Серпін» бағдарламасы бойынша Қызылорда облысынан келген жас ақын Түменбай Ақжол кешті жүргізіп, студенттерге өз туындысынан өлеңдер оқып берді. Колледж директоры ф.ғ.к. Ш.А.Жанаева жас ақынға ҚР Мемлекеттік сыйлық иегері Тыныштықбек Әбдікәкімұлының өлеңдер жинағын сыйға тартты.