КОЛЛЕДЖІШІЛІК ҮЗДІК ҰЙЫМДАР АНЫҚТАЛДЫ

21 желтоқсан күні “Толағай” мейрамаханасында М.О.Әуезов атындағы педагогикалық колледжінің студенттеріне арналған “Жаңа жыл – 2024” мерекелік би кеші өтті.

Кеш барысында “Оң қол” премьерасын өткізген “Ес-аймақ” студенттік театрының мүшелері мен режиссері Азизов И.Ф оқу орнымыздың басшысы, ІІ дәрежелі “Барыс” орденінің ковалері, ф.ғ.к. Жанаева Шағангүл Алдамжарқызының құрметті қонағы бола отырып, жаңа жылдық сыйлықтарға ие болды.

Жыл көлемінде үздік нәтиже көрсеткен “ЖЫЛДЫҢ ҮЗДІК ЖАСТАР ҰЙЫМЫ” номинациясын

”Оратор” пікірсайыс клубы

“Ес-аймақ” жастар театры

“Жастар рухы” Жастар қанаты иеленді.

Сонымен қатар, колледждегі белсенділігі мен студенттердің бос уақытын тиімді ұйымдастыруға қосқан үлесі үшін “Сырғалым” қыздар клубы, “Парасат”, “Conservation club”, “Мейірім” еріктілер ұйымы, “Y-PEER” жастар ресурстық орталығы алғыс хаттармен марапаталынды.

Кешіміздің шымылдылығын оқу орнымыздың түлегі Сейтказинов Алпамыс өзінің әсем әндерімен ашып беріп, оқу орнымыздың “Эсклюзив” би тобы жаңа жылдық би шашумен жалғастырды.

“Жасайықшы селфи”, “Музыкалық әріп”, “Лотерея”, “Интерактив” сынды ойындар ойнатылып, “Асу” тобының әндері айтылды. Әнші қыздар Әдемі мен Кербезханның орындауында “Попурри”, “DS” би тобының “Шығыс биі” кештің сәнін келтірді.

Тамаша мерекелік көңіл күй сыйлаған кеш үшін Студенттік Парламент мүшелеріне алғыстымыз. Барлық оқырмандарымызды келе жатқан жаңа жылдарыңызбен құттықтаймыз