«Шет тілі» бөлімінің дәстүрлі, тәрбиелік мәні зор, сонымен қатар студенттердің ағылшын тілінде сөйлеу дағдыларын дамытуға ықпал ететін бөлімішілік «Кітаптар фестивалі» өтті. Байқауға 2-курстың 4 тобы қатысты. Байқау шарты бойынша студенттер бір ай бойы өздеріне берілген кітапты оқып, нәтижесінде сюжеті бойынша қойылым көрсетті. Студенттер, біріншіден, кітап оқу, түсініп оқу дағдыларын дамытты, екіншіден, ұзақ оқиғадан сахнаға лайықтап сценарий жазуды үйренді, үшіншіден, сахна мәдениетіне, көпшілік алдында өнер көрсетуге, актёрлік шеберлікке үйренді.
Биылғы жылдың жаңалығы-осы топтарға 34-топтың студенттері Құбаш Аружан, Әскергазина Қарақат, Төлеуғалиева Аяжан, Нұрланбек Жансая жетекшілік жасап, өздерінің тәжірибесімен бөлісті.
Ұйымдастырушы – бөлімнің старостасы Каримова Диана. Рөлдерін шебер алып шыққан Сарқытбек Жаннұр, Слямжанов Алимжан, Қайратұлы Санжар, Адилова Айым көрерменге тсмаша көңіл-күй сыйлап, өздерінің ағылшын тілінде еркін сөйлеп, рөлге ене алуларымен тәнті етті.
