М.О.Әуезов атындағы педагогикалық колледжінің 120 жылдық мерейтойына орай, сондай-ақ «Оқуға құштар колледж» жобасы аясында 06.02.2023 – 16.03.2023 күндер аралығында өтіп жатқан «Кітап тарту» акциясына «Шет тілі» бөлімінің Шт 21-09-02 топ студенттері де белсене қатысуда.
Ақпан айының 17-ші жұлдызында қазіргі қазақ әдебиетінің негізін қалаушы, ақын және жазушы Сәкен Сейфуллиннің «Аққудың айрылуы», Шыңғыс Айтматовтың “Ақ кеме” және “Қызыл алма” , Жүсіпбек Аймаутовтың “Ақ білек” кітаптарын сыйға тартты. Кітап сыйлау мерекесі қатысушыларға ұмытылмас әсер мен ерекше қуаныш сезімін сыйлайды. Кітап – біздің рухани құндылығымыз, теңдессіз байлығымыз. Бұл акция біздің оқу орнымызда дәстүрге айналады деген сенімдеміз! Сонымен қатар, барлық оқытушылар мен білім алушыларды акцияға белсене қатысуға шақырамыз!
