Ауған соғысы қазақ елінің тарих парақтарынан орын алған қайғылы оқиғалардың бірі. Ауған жеріне азаматтық борышын өтеуге аттанған боздақтардың қанымен жазылған тарих.
15 ақпан күні өмірінің өлшеулі бір бөлігін, жалындаған жастық шағының жартысын оқ пен от арасында өткізіп, елге аман-сау оралып, Алаштың білім ордасында оқытушылық қызмет атқарып отырған интернационалист-жауынгер Төлеуғазы Камалұлы Мұқановпен кездесу ұйымдастырылды.
АӘД оқытушысы майор Қ.Қ.Екибасов Ауған соғысы, ондағы қазақ әскерлерінің ерлігі туралы сөз қозғады. Төлеуғазы Камалұлы Ауған соғысы кезіндегі естеліктерімен бөлісті.
Ауған соғысы ардагерлеріне құрмет көрсету, жат жерде көз жұмған жерлес азаматтарды еске алу және жастарға патриоттық тәрбие беру мақсатындағы шараға студенттер үлкен қызығушылықпен қатысып, өздерінің ойында жүрген сауалдарға жауап алды.
