“АЛАШТЫҢ ТҰҢҒЫШ БІЛІМ БЕРУ ОРДАСЫНА – 120 ЖЫЛ”
17 қараша – Халықаралық студенттер күніне орай М.О.Әуезов атындағы педагогикалық колледжінде І курс студенттерін “Әуезовшілер қатарына” қабылдау кеші өтті.
Кеш «Мамандықтар шеруі» флешмобымен басталды. «Қосымша білім беру” – 42 топ, “Мектепке дейінгі тәрбие және оқыту” – 46 топ, «Бастауыш білім беру» 41 топ, «Қазақ тілі мен әдебиеті» – 47 топ, «Шетел тілі» – 49 топ, «Дене шынықтыру» – 43 топ, «Музыкалық білім беру» – 48 топтары мамандықтарының ерекшелігін әнмен, бимен жеткізді.
ІІ дәрежелі Барыс орденінің иегері, ҚР Білім беру ісінің құрметті қызметкері, Ы.Алтынсарин төсбелгісінің иегері, ф.ғ.к., колледж директоры Жанаева Шағангүл Алдамжарқызы І курс студенттерін «Әуезовшілер қатарына» қабылдануларымен құттықтай отырып, ақ жол тіледі.
Жылдағы дәстүр бойынша марапатау 1963-1987 жылдары Алаштың білім ордасында директорлік қызмет атқарған, «Құрмет» орденінің иегері, Ұлы Отан соғысының ардагері Асылхан Табылдыұлы Бекбаев атындағы спипендия иегерлеріне сертификаттар тапсырудан басталды. 4 жыл бойы оқудағы үздік үлгерімі мен қоғамдық жұмыстардағы белсенділігі үшін 41 топ студенті Кеңесханова Аружан, 44 топ студенті Нұрланбек Жансая және 48 топ студенті Мухамедьяров Дамир «А.Т.Бекбаев стипендиаты» атанды. Жеңімпаздарға Бекбаевтар отбасының атынан Төлеген Асылханұлы 100 мың теңгелік сертификаттар тапсырды.
Сонымен қатар, 2022-2023 оқу жылында қоғамдық жұмыстарға белсене араласып, «Әуезовші» есімін асқақтатып, Республика, облыс, қала деңгейінде танытып жүрген студенттер марапатталды.
І аттестация қорытындысы бойынша жоғары балл жинаған БББ 23-11 тобының студенті Мамытай Аружан бастаған І курс студенттері АНТ қабылдап, “Әуезовшілер гимнін” орындады. 4 курс студенті, “Үздік Әуезовші – 2023” төсбелгісінің иегері Назгүл Сембаева жас әуезовшілерді құттықтай отырып, Аружанға “Студенттік билет” тапсырды.
Кеш жалынды жастардың би кешіне ұласып, қызықты челлендждер, ойындар ұйымдастырылды.
