17 қараша – Халықаралық студенттер күні мерекесіне орай «Үздік әуезовші» және «Бекбаев стипендиясы» иегерлерінің фотосуреттерін Құрмет тақтасына орналастыру рәсімі өтті.
Заманымыздың заңғар жазушысы, ұлтымыздың аяулы перзенті Мұхтар Әуезовтің ұлтжандылық идеясын насихаттау мақсатында колледжімізде дәстүрлі түрде өтетін «Әуезов сыны» байқауының жеңімпазы,«Үздік әуезовші» төсбелгесінің иегері атанған Базарова Аяжанның фотосуретін Құрмет тақтасына орналастырылып, есімі Құрмет кітабына жазылды.
«Бекбаев стипендиясының» иегері атанған «Оратор» дебат клубының экс-координаторы, республикалық, облыстық пікірсайыс турнирлерінің жеңімпазы – Дүйсенғазина Аяулым, халықаралық, республикалық ән байқауларының жеңімпазы – Сейтказинов Алпамыс, 2020-2021 оқу жылының Студенттік Парламент Президенті, Студенттік Парламенттің беделді мүшесі, оқу орнындағы түрлі қоғамдық іс-шаралардың ұйымдастырушысы – Жолдыбаева Аружанның фотосуреттері атаулы Құрмет тақтасына орнатылды.
Колледж директоры, ІІ дәрежелі Барыс орденінің иегері, филология ғылымдарының кандидаты Жанаева Шағангүл Алдамжарқызына үздіктерді құттықтап, жас Әуезовшілерге келешекте Құрмет тақтасының төрінде тұруларына тілектестік бірдірді.
