“Музыка және көркем еңбек” ПӘК онкүндігі аясында Мұқағали Мақатаевтың 90 жылдық мерейтойына орай ақын өлеңдеріне жазылған әнді көпшілікке таныту, жастардың шығармашылық қарым-қабілетін дамытуға жағдай жасау және патриоттық, ізгілік, рухани-адамгершілік рухта тәбиелеу мақсатында колледж оқытушылары арасында “Есіңе мені алғайсың” атты ән байқауы өтті. Жылма-жыл дәстүрлі түрде өтетін шараға оқытушылар жұп құрып қатысты.
Әділқазылар сахналық қойылым, әннің сапалы орындалуы, мәнері, эмоционалдылығы, сахна мәдениетін сақтауы бойынша қатысушыларды бағалап, нәтижесінде І орынды Жұмашев Әділ мен Сапарғалиева Назгүл, ІІ орынды Сағатбеков Біржан мен Байнбетова Адина, ІІІ орынды екі жұп Серікхан Азамат пен Оралғазина Гүлім, Мұқанов Мерхат пен Байролова Балжан иеленді.
Мұқағали-мәңгілік өмір! Ақын мұрасы, маржан поэзиясы мен оған жазылған сазды әндер-болашақ ұрпаққа аманат, өнерсүйер халыққа таусылмайтын сый, мол қазына болып қала бермек.
