Бүгін, 20 қазан күні М.О.Әуезов атындағы педагогикалық колледжінде колледжішілік «ДИРЕКТОР КУБОГЫ – 2022» КТК ойыны өтті.
Студенттік Парламент және «Жастар Рухы» ЖҚ ұйымының ұйымдастыруымен өткен фестивальге 19 команда қатысты.
Ұтымды ой, қағытпа қалжыңға толы әзіл фестивалінде колледж түлектері
Есжанов Серікжан, Дамир Рамазанов және жайдарманшы Ералы Алпанов қазылық етті. Көрерменге лық толы залда ине шаншар орын болмады.
«Директор кубогы – 2022» КТК ойындары фестиваль форматында өтіп, жоба тек «Сәлемдесу» сайысынан тұрды. Қалжың сөзге ұшқыр әзілкештер көрермендерге көтеріңкі көңіл-күй сыйлады.
Фестиваль қорытындысы бойынша, әділ қазылар шешімімен СЖО 22-09 тобының “Нұрекеңнің балалары” командасы жеңіске жетіп, ауыспалы “ДИРЕКТОР КУБОГЫН” иеленді.
