24.02.2022 жылы М.О. Әуезов атындағы педколледжде оқытушы А. С. Маметекованың жетекшілігімен «Іскерлік ғаламшарлар» үйірмесінің ашық отырысы өтті.
Отырыстың тақырыбы: «Денсаулық сақтау технологияларының ерекшеліктері».
Балалардың өмірін қорғау және дене және психикалық денсаулығын нығайту – мектепке дейінгі білім беру туралы ТжКБ-ға сәйкес мектепке дейінгі білім берудің негізгі міндеттерінің бірі. Мектепке дейінгі жас баланың денсаулығын қалыптастырудағы маңызды кезең болып табылады. Бірақ қазіргі уақытта мектеп жасына дейінгі балалардың денсаулық жағдайы төмендеуде. Сондықтан мектепке дейінгі білім беру мекемелерінде сауықтыру жұмыстарының тиімділігін арттыру құралдары мен әдістерін іздеу маңызды және сұранысқа ие болып отыр. Технология, тәрбиеленушілердің денсаулығын сақтауға және нығайтуға бағытталған балалармен профилактикалық жұмыс шараларының тиімді жүйесі ретінде “Денсаулық сақтау технологиялары”деп аталды.
Анар Серікқазықызы үйірме отырысында мектепке дейінгі мекемелердің болашақ тәрбиешілері – студенттермен Денсаулық сақтау технологияларының түрлі әдіс – тәсілдерін көрсетті және талдады. Студенттер өздері үшін көптеген қызықты және танымдық дүниелерді алды.
