М.О. Әуезов атындағы педагогикалық колледжінде Тәуелсіздік күні қарсаңында «Менің елім Қазақстан» дәстүрлі өнер байқауы өткізілді.

Оқу орнымызда Елбасының «Болашаққа бағдар: Рухани жаңғыру» идеясын насихаттау, дарынды студенттерді тану мақсатында 1-курстар арасында дәстүрлі  ұйымдастырылатын байқаудың биылғы саны Ш.Құдайбердіұлының 160 жылдығына, оқу орнының 115 жылдығына және Астана қаласының 20 жылдығына арналды. Үш күнге созылған байқаудың қорытынды гала концерті  ҚР Тәуелсіздік күні қарсаңында колледж назарына ұсынылды. Дәстүрлі өнер байқауының қорытындысы бойынша, Гран При ағымдағы жылы «Серпін» бағдарламасы негізінде «Қазақ тілі және әдебиеті мұғалімі» мамандығында қабылданған 206 топ иеленді. (Топ жетекшісі: Сербурина Н.А., көркемдік жетекшісі: Боженова А.К.); 1 орын 203 топ (Сәрсембаев Б.С., Бұзаубағарова Р.Ш.); 2 орын 202 топ (Ибрагимова А.А., Волченко Е.В.,) және 13 топ (Мухамбаев Б.Р.,  Бузаубагарова Р.Ш.)  3 орын 204 топ (Қасымжанова Г.Қ., Сағымбаева Н.С.,) 12 топ (Нұрланова А.Қ., Қазез С.),  14 топ (Жақсыбаева А.М., Сағымбаева Н.С.) иеленіп, алғыс хаттар мен сыйлықтарға ие болды.