Біз спортшы баламыз

22.11.2018 М.О.Әуезов атындағы педагогикалық колледж»  әдіскері  Ж.Қ.Қайсанова мен ЖШС  «Айналайын» шағын орталығының әдіскері Ж.С.Нұрқасованың жетекшілік етуімен шағын орталықта «Біз спортшы баламыз»  атты спорттық іс-шара ұйымдастырылды.  Спорттық сайысқа болашақ «Дене тәрбиесі және спорт» мамандығы бойынша білім алып, байқау және бақылау іс-тәжірибесінен өтіп жатқан 303 топ студенттері мен балабақшаның «Балауса», «Балдырған» және «Қарлығаш» ересек топтары қатысты. Машықкерлер мен бүлдіршіндер арасындағы қызу сайыс оң нәтижесін берді. Студенттердің шапшаң, әрі зор ықыласпен жасаған іс-әрекеттерінің арқасында бүлдіршіндердің қызығушылығы оянып, белсенділігі арта түсті. «Айналайын» шағын орталығының директоры Т.А.Туткышева және ұжым тәрбиешілері іс-шараға жоғары баға беріп, білім алушыларды алғыс хатпен марапаттады.