“БІРГЕ КІТАП ОҚИЫҚ!” АКЦИЯСЫ

“БІРГЕ КІТАП ОҚИЫҚ!” АКЦИЯСЫ

19.02.2022 ж.күні М.О.Әуезов атындағы педагогикалық колледжі “Филология және мектепке дейінгі тәрбие” бөлімінің МДТ21-09-02 топ студенттері бөлімдегі 1-курс студенттері арасында “Бірге кітап оқиық!” акциясын өткізді. Топ жетекшісі – А. Маханбет.

Мақсаты: әдебиетіміздің қазыналы туындыларын насихаттау, оқу мәдениетін қолдау және дамыту, жастарды рухани және патриоттық тәрбиеге баулу, шығармашылық белсенділіктерін арттыру.

МДТ21-09-02 топ студенттері оқу жылының басында оқуға ұсынылған кітаптардың ішінен Марат Қабанбаевтың “Жиһанкез Тити” шығармасын бірге оқып, топ ішінде талдап, акция барысында шығармашылық түрде кітаптың ұсынылым жасады. Бүгін жас оқырмандарымыздың жеке кітапханасы тағы бір тамаша туындымен толықты.

Технология дамып жатыр десек те, қай заманда болмасын кітаптың орны биік тұрары сөзсіз. Қолмен ұстап, оны парақтап оқудың орны бөлек. Кітап біздің асыл қазынамыз, білімнің кілті кітапта екенін ұмытпағанымыз жөн. «Кітап оқуды қойған адам – ойлауды да қояды» дегендей, бірге кітап оқиық!