“Бір шаңырақ астында”

“1 Мамыр – Қазақстан халықтарының бірлігі күні мерекесі” күніне орай Қазақстан халқының мәдениеті мен дәстүрін тереңірек танытып, толеранттылық ұғымын студенттердің бойына сіңіру мақсатында М.О. Әуезов атындағы педагогикалық колледжінде “Бір шаңырақ астында” атты байқау ұйымдастырылды. Байқау нәтижесінде Бас жүлдені “Филология” бөлімінің 17 топ студенттері (топ жетекшісі: Касымжанова Г.К.), І орынды “Шет тілі” бөлімінің 14 топ студенттері (топ жетекшісі: Нурпеисова Е.Б.), ІІ орынды “Мектепке дейінгі тәрбие және оқыту” бөлімінің 18 топ студенттері (топ жетекшісі: Сапарғалиева Н.С.), ІІІ орынды “Бастауыш білім беру” бөлімінің 12 топ студенттері (топ жетекшісі: Сарсекова Г.К.) иеленді. Әр ұлттың ұлттық ас мәзірлері мен мәдениетін, салт-дәстүрін таныстыруда белсене қатысып, өнерлерін көрсеткен студенттерімізге, топ жетекшілеріне, қолдау жасап отырған ата-аналарға алғыс айтамыз! Бірлігіміз жарасып, ынтымағымыз нығая берсін!!!