15.02.2022 ж. «Жаратылыстану» ПӘК онкүндігі аясында Айткалиев Б.М. «Бердвотчер» ашық үйірмесі отырысын өткізді. Үйірме жұмысы Семей өңірінің құстарын зерттеуге бағытталған. Жұмыс барысында білім алушылардың тәжірибелік және зерттеушілік дағдылары, экологиялық білімі артады.
Үйірменің мақсаты:
Білім алушылардың құстар әлеміне танымдық, зерттеушілік, шығармашылық белсенділігін арттыру, Семей қаласының қыстайтын және отырықшы қанаттыларының түрлерін анықтау.
Үйірме барысында М.О. Әуезовтың ұлы, орнитолог- Ернар Әуезовтың Қазақстан құстарын зерттеудегі еңбегі таныстырылды. Құстарды визуалды, аудиалды, қорегіне қарап анықтап, викториналық сұрақтар шешіліп, қызықты видеоматериалдар көрсете отырып, оптикалық құралдар көмегімен фенологиялық бақылаулар жүргізілді. Болашақта Семей қаласы, Шәкәрім университеті оқытушыларымен ғылыми зерттеу негізінде «Бердвотчер» үйірме жұмысы жалғасын табады.
