Семей қаласы М.О.Әуезов атындағы педагогикалық колледжі. Коронавирустық инфекцияның таралуына жол бермеуге байланысты білім алушыларымыз қашықтықтан оқу режимінде. Мектеп қабырғасын қашықтықтан аяқтап, колледждегі білімді қашықтықтан бастау 1 курс студенттеріміз үшін біраз қиындықтар тудырды.
Колледж директоры Ж.Ш.Алдамжарқызы мен директордың оқу жұмысы жөніндегі орынбасары Т.М.Шакенқызы 1 курс білім алушыларымен зум арқылы қашықтықтан оқу мәселелері бойынша ашық сұхбат алаңын өткізді. 14.00 «Бастауыш білім беру», «Мектепке дейінгі тәрбие», 15.00 «Шетел тілі» 16.00. «Филология», 17.00. «Дене тәрбиесі және спорт» бөлімдерінің студенттері көрсетілген уақыттарымен қатысып, қашықтан оқуға байланысты толғандыратын сұрақтар мен кездесіп жатқан қиындықтарды талқылады.
#Біз біргеміз. Бұл қиындықты бірліктің арқасында жеңеміз!
