15 мамыр күні, М. Әуезов атындағы педагогикалық колледжінде Абай облыстық білім бөлімінің жоспарына сай, Қазақстанның еңбек сіңірген мұғалімі, академик, профессор Қанипа Бітібаева атындағы, 1-курс білімалушылары арасында, қазақ тілі мен әдебиетінен облыстық олимпиада өтті. Олимпиаданың басты мақсаты—«қазақтың Қанипасы» атанған дара ұстаздың еңбек жолын насихаттау; студенттердің қазақ тілі мен әдебиетінен алған білімдерін сараптау; білімді жастарды анықтау.
Олимпиаданың әділқазы алқасының жетекшісі Нүсіпова Орал Айткенқызы қатысушыларға сәттілік тілеп, олимпиаданың маңызы мен мақсатын түсіндіріп өтті.
Семей қаласында Қ. Бітібаева мұрасын насихаттауда зор еңбек сіңіріп жүрген №37 мектеп-гимназиясының қазақ тілі мен әдебиеті пәнінің мұғалімі Құралай Құралтайқызы өз тәжірибесімен алмасып, тағлымды бейнебаян көрсетті.
Екі кезеңнен тұрған олимпиадада жеңіс төрінен көрінген студенттер мен жетекшілеріне зор алғыс білдіреміз!
1-орын— М. Әуезов атындағы педагогикалық колледжі. Ибраимова Аяулым. Жетекшісі Сахариева З.Д.
2-орын- Булькенова Айым. Аягөз политехникалық колледжі. Жетекшісі Уалиева Ж.С.
2-орын-Қуанышбекқызы Ақниет. Шәкәрім жоғары колледжі. Жетекшісі Қайырбаева А.М.
3-орын-Ихтисат Айғаным. Семей жоғары көпсалалы колледжі. Жетекшісі Исина С.К.
Қазбекова Сабина. Геологиялық-барлау колледжі. Жетекшісі Жумабаева Ә.С.
Сәуленбаева Нұрай. Р.Байсейітов атындағы Семей қаржы-экономикалық колледжі. Жетекшісі Хусайнова Ж.Х.
