Алаштың тұңғыш білім ордасының 2002 жылғы түлегі, Арайлым Мұхаметқалиқызымен кездесу өтті.

12.12.2023 күні ұлылар білім алған, 120 жылдық тарихы бар Алаштың тұңғыш білім ордасының 2002 жылғы түлегі, ұстаздықпен бірге жазуды да жанына серік етіп жүрген Арайлым Мұхаметқалиқызымен кездесу өтті. Кездесу барысында Арайлым Мұхаметқалиқызының «Ерке қыз» атты кітабының таныстырылымы ұйымдастырылды.

Кездесуге №16 Т.Аманов атындағы жалпы орта білім беретін мектептің қазақ тілі мен әдебиеті пәнінің мұғалімі Кунафина Гүлнара Ағзанқызы қатысты.

Кездесу барысында колледж студенттері арулар, қыздар тақырыбында өлеңдер оқып, гүлшоқтарын сыйлады. Ару қыздарымыз орындаған «Бағала» әні кездесудің мәнін ашып, қыздар тақырыбының мазмұнын айқындай түсті.

Кездесу соңында Кунафина Гүлнара Ағзанқызы ұйымдастырушыларға алғыс білдіре отырып, Арайлым Мұхаметқалиқызына ұстазы ретінде батасын берді. Директордың тәрбие ісі жөніндегі орынбасары Нұрланова Айгерім Қуандыққызы кеш қонақтарына «Біртұтас тәрбие» бағдарламасы аясында өткізіліп отырған кездесу барысындағы тағылымы мен тәлімі көп сұхбаттары үшін алғыс білдірді.