АЛАШТЫҢ ТҰҢҒЫШ БІЛІМ ОРДАСЫНА – 120 ЖЫЛ
14.11.2023 күні «Ел аманаты: Ауыл – ел бесігі» экспедициясы аясында қоғам қайраткері«QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті, «ЕлАна» қоғамдық-танымдық, әлеуметтік-ақпараттық сайтының Бас редакторы, Қазақстан Республикасы Журналистер Одағының мүшесі Сәуле Мешітбаева Алаштың тұңғыш білім ордасына қонаққа келді. Сәуле Мешітбайқызы “Бастауыш білім беру” мамандығының студенттерімен кездесті.
Кездесу барысында ақ пен қараның, жақсы мен жаманның алмасуымен қатар, ақпарат ағынының тасқындаған ғасырында ұлтты және ұлттық құндылықтарды, ең бастысы, жас ұрпақты тәрбиелі де саналы азамат ретінде сақтап қалу өте күрделі мәселе болып отырғанын айтып, қоғамдағы орын алып жатқан жайттарға, бүгінгі адамдардың көзқарасына, ұлт, бала тәрбиесі туралы салмақты сөз сабақтап, емен-жарқын әңгімелесті.
Ел игілігі үшін қызмет атқарып жүрген Колледж басшысы Шағангүл Алдамжарқызы мен колледж ұжымына ризашылығын білдірді.
