25 мамыр көрнекті қоғам және мемлекет қайраткері, «Алаш» партиясы мен «Алашорда» қозғалысы жетекшілерінің бірі, қазақтың тұңғыш математигі, профессор, ғұлама ғалым, белгілі ағартушы, педтехникум оқытушысы Ермеков Әлімхан Әбеуұлының туғанына 130 жыл толуына орай алаштанушы, әдебиеттанушы, балалар жазушысы, «Дарын» мемлекеттік жастар сыйлығының лауреаты Елдос Тоқтарбаймен Zoom қосымшасында онлайн кездесу өткізілді. Кездесу барысында колледж білім алушылары Алаш қайраткерлері мен Ә.Ә.Ермеков туралы тарихи, құнды мәліметтермен білім қорларын кеңейтті. Атаулы күн 1 курс білім алушылары арасында математика пәнінің оқытушыларының ұйымдастыруымен колледжішілік «Математикалық квест» ойынымен жалғасты. Квест ойыны 3 кезеңнен тұрды.
1- бекет. «Математика – ақыл-ой гимнастикасы»
2-бекет. «Математикалық термин құрастыру»
3-бекет. «Сиқырлы суреттер мен таяқшалар»
Іс-шараға 3 топ қатысты. Әр топтарға орналасқан бекеттерді табу мақсатында тапсырмалар жасырылған конверттер беріледі. Құпияланған тапсырмаларды шеше отырып, келесі бекеттерге өтіп отырды.
«Математикалық квест» ойынының қорытындысы бойынша «Smart teen» тобы – «Ғылыми ізденіс», «Mathematics» тобы – «Озық ой», «Пифогор» тобы – «Әлімхан ізбасарлары» номинацияларымен марапатталды.
«Математикалық квест» ойыны аяқталысымен білім алушылар колледж мұражайына барып, Әлімхан Ермеков, Алаш зиялылары жайында мәліметтер алды. Ұйымдастырылған іс-шараның қорытындысы қаламыздағы Әлихан Бөкейханов ескерткішіне гүл шоқтарын қойып, Алаш зиялыларына тағзым етумен аяқталды.
